#Ushrasıw

07 января 2023

Qaraqalpaqstan Respublikası I.V.Savickiy atındaǵı mámleketlik kórkem óner muzeyinde “Jaslar turizmi” hateligi sheńberinde miymanlardı qabıllaw dawam etpekte. 

2023-jıl 7-yanvar kúni muzeyde miymanda bolǵan Respublikamızdıń barlıq rayonlarınan kelgen mektep oqıwshıları  ushın arnawlı ekskursiyalar sholkemlestirildi hám muzey kinozalında muzey haqqında hújjetli filmler qoyıp berildi.

 

Sonday-aq muzey kinozalında Ózbekstan kóleminde ótkerilgen “Quvnoqlar va zukkolar” kórik tańlawınıń final basqıshı jeńimpazları “Agrolife” komandası aǵzası, 2022-jıldıń eń quwnaq “Mister KVN”, “QOSHAMET-2022”  hám “Jıldıń eń belsendi vayneri”  nominaciyaları jeńimpazı Baxadir Qutlımuratov hám 2019-jıl “Quvnoqlar va zukkolar” kórik tańlawı shempionı bolǵan “Yangi yulduzlar” komandası sardarı Muxammedali Dawletmuratovlar ushrasıw bolıp ótti. Ushrasıw dawamında Baxadir Qutlımuratov hám Muxammedali Dawletmuratovlar ózleriniń ómiri, kasibi hám jarıslarǵa tayarlanıwdaǵı qıyınshılıqları haqqında aytıp berdi hám qatnasıwshılar ózlerin qızıqtırǵan sorawlarǵa juwaplar aldı.

 

                                         


<< 2024-jıl Florensiya qalasında ótkeriletuģın kórgizbege tayarlıq kóriw haqqındaģı memorandumına qol qoyıw máresimi.   "Muzeyge sayaxat" >>