4 августа 2022 года

 Ilajlar sheńberinde rejelestirilgen “Suw qádiri” atamasındaǵı kórgizbeniń ashılıw máresimi bolıp ótti.  Kórgizbeni muzey direktorı T.K.Mkrtichev ashıp berdi hám ol óz sózinde “Suw qádiri” kórgizbesi “suw” haqqındaǵı insan yadına baǵıshlanǵanlıǵın,  bir waqıtları tolıp tasqan Aral hám Ámiwdáryanıń janlı kórinisin zamanlaslari súwretlew óneri saqlap qalǵanlıǵın kóretuǵınlıǵımızdı aytıp ótti. Sonday-aq ashılıw máresiminde  Qaraqalpaqstan Respublikası Joqarǵı Keńesi baslıǵınıń Mádeniyat isleri boyınsha másláhátshisi G.Izentaeva, Qaraqalpaqstan Respublikası Mádeniy miyras basqarması baslıǵı Q.Sharipov,  Ózbekstan kórkem óner akademyasınıń Qaraqalpaqstan bólimi baslıǵı U.Utegenova hám “Qaraqalpaqstanǵa miyneti sińgen jaslar ustazı” J.Lepesovlar shıǵıp  sóylep bugingi kórgizbe haqqında muzey tiykarın salıwshısı I.V.Savickiy hám onıń qaldırǵan biybaha miyrasları haqqında aytıp ótti.