5 fevral 2023

2023-jıl 5-fevral kúni Qaraqalpaqstan Respublikası I.V.Savickiy atındaǵı mámleketlik kórkem óner muzeyinde “Ashıq esikler kúni” bolıp ótti.
Ilaj sheńberinde muzeyge kelgen miymanlarǵa ullı ózbek shayırı A.Navoiynıń 582 jıllıǵı múnásibeti menen G.Nikitinniń “A.Navoiydıń portreti” dóretpesi haqqında muzey ekskursavodı A.Yusupova keń maǵlıwmat berdi. Sonıń menen birge muzey kinozalında A.Navoiynıń ómiri hám dóretiwshiligi haqqında muzey kitapxana baslıǵı X.Shúkirimbetova lekciya oqıdı. 
Kún dawamında muzeyge kelgen bárshe miymanlar ushın muzey kinozalında muzey haqqında hújjetli filmler qoyıp berildi. 
Sonday-aq ilaj sheńberinde muzey "Balalar xanasında" balalar ushın hár túrli interaktiv oyınlarda ótkerildi.