16-may 2023

2023-jıl 18-may kúni saat 11.00 de Qaraqalpaqstan Respublikası I.V.Savickiy atındaǵı mámleketlik kórkem óner muzeyinde Germaniyalı xudojnik Inna Artyumovanıń “Prounnan soń- Insaniyattan keyingi boslıqlar haqqındaǵı pikirler” atlı jeke kórgizbesiniń ashılıw máresimi bolıp ótedi. 

Samarqand qalasındaǵı “Ruxsor” zamanagóy kórkem óner muzeyi direktorı Normurod Negmatov basshılıǵında shólkemlestirilip atırǵan "Zamanagóy kórkem óner hápteligi"ne baǵıshlanǵan “Sáwbet” joybarı sheńberinde Qaraqalpaqstan Respublikası I.V.Savickiy atındaǵı mámleketlik kórkem óner muzeyi, Qaraqalpaqstan Respublikası tariyxı hám mádeniyatı mámleketlik muzeyi hám Ózbekstan Kórkem óner akademiyası Qaraqalpaqstan bóliminde kórgizbeler, dóńgelek stol hám lekciyalar shólkemlestirilmekte.

Bunday joybar Qaraqalpaqstan Respublikasında birinshi ret ótkerilmekte.

  PRESS-KONFERENCIYA

Kórgizbe aldınan saat 10.00 Inna Artyumova “Prounnan soń- Insaniyattan keyingi boslıqlar haqqındaǵı pikirler” atlı kórgizbesi tuwralı keń jámiyetshilik maǵluwmat beriw maqsetinde PRESS-KONFERENCIYA shólkemlestirmekte.

 DÓNGELEK STOL

15.00 de “Insaniyattan keyingi boslıqlar haqqındaǵı pikirler” atamasındaǵı Dóngelek stol átirapında  sáwbetler alıp barıladı.

Qatnasıwshılar
T.K.Mkrtichev - Qaraqalpaqstan Respublikası I.V.Savickiy atındaǵı mámleketlik kórkem óner muzeyi direktorı.
Ulbosın Utegenova - Ózbekstan Kórkem óner akademiyası Qaraqalpaqstan bólimi baslıǵı.
Miyrigúl Erekeeva - Qaraqalpaqstan Respublikası I.V.Savickiy atındaǵı mámleketlik kórkem óner muzeyi kórgizbeler bólimi baslıǵı.
Inna Artyumova – Xudojnik
Hikoyat Salimova – kórkem óner tanıwshı
Faina Yunusova -  Xudojnik
Moderator  - Normurod Negmatov “Ruxsor” zamanagóy kórkem óner muzeyi direktorı

Bársheni kórkem óner iqlaspentlerin Qaraqalpaqstan Respublikası I.V.Savickiy atındaǵı mámleketlik kórkem óner muzeyinde kútip qalamız!