14 aprel 2023
Avtorı: Nikitin Georgiy Nikolayevich Автор: Никитин Георгий Николаевич
Jivopis: "Nawayı portreti",1938 j Живопись: «Портрет Навои» 1938 г
Xudojniktıń ájayıp kartinalarınıń biri muzeyde saqlanıp kelinbekte. Bul kartina "Alisher Nawayı portreti". Bunda xudojnik Nawayınıń jeke xarakter qásiyetleri hám shayır jasaǵan sol uzaq dáwir ruwxın birlestirgen. Portrettegi hár bir nárse tereń muhabbat penen súwretlengen. Biz shayırda názik júzdi, názerindegi ruwxıy tereńlikti kóremiz. Onıń aldında ashıq kitap hám áynekten gúzgi tábiyat kórinisi kózge taslanadı. Kenepte Nawayı obrazı altın-qońır reńler uyǵınlıǵında ápiwayılıq hám ullılıq sáwlelendirilgen. Ulıwma aytqanda, bul dóretpe G. N. Nikitinniń dóretiwshiligin múnásip dárejede kórsetip bere aladı.
Biraq, kópshilik kartinanıń táǵdiri qızıqlı hám ayanıshlı bolǵanlıǵın bilmeydi: Igor Vitalevich Savickiy, xudojnik (G. N. Nikitin) qaytıs bolǵannan keyin, onıń miyrasları menen tanısıw hám muzeyimizge unaǵan kartinaların alıp keliw ushın xudojniktiń hayalınıń úyine baradı. Barǵan waqıtta jawın jawıp, jay tóbesinen úy ishine suw aǵıp turǵan. Kartina alıwǵa barǵan qonaq (I.V. Savickiy) suw ótip turǵan jerdi jabıw ushın jaydıń tóbesine kóterilip, tesikti jabıw ushın arnalǵan kenepti qolına aladı. Kenepti qolına alıp, dıqqat penen názer salıp, onıń qolında ájayıp jazılǵan dóretpe turǵanlıǵın ańlaydi. Ol úy iyelerinen bul "buyımdı" beriwdi ótinish etedi hám bul dóretpe bir neshe jıllardan keyin, Moskva restavratorlarınıń sheber qollarınan ótip, muzey ekspoziciyasında múnásip orın iyeledi. Solay etip, kútilmegen jaǵdayda xudojniktiń ájayıp shıǵarması qutqarılıp qalındı.