21 декабря 2022

2022-jıl 20-dekabr kúni Qaraqalpaqstan Respublikası I.V.Savickiy atındaǵı mámleketlik kórkem óner muzeyi Ilimiy aǵartıwshılıq kitapxana hám arxiv materialları bólimi baslıǵı A.Qurbanova Nókis qalası №10- sanlı “Nurlı makan” mektep-internatında “Tariyx ótmishtiń aynası” atlı ilaj shólkemlestirdi. Ilaj sheńberinde A.Qurbanova balalar ushın “Tariyx pánin úyrengenimizde muzeylerdiń áhmiyeti” atamasında lekciya oqıdı hám muzey tariyxı, muzeyde saqlanıp atırǵan biybaha eksponatlar haqqında kóplegen maǵlumatlar berdi. Ilaj dawamında súwretlew ónerine qızıǵıwshı talantlı balalar hár túrli temada súwretler saldı. Sonday-aq balalar ózlerin qızıqtırǵan sorawlarına juwaplar aldı.