14 mart 2023

2023-jıl 14-mart kúni Birlesken Milletler Shólkeminiń insan huqıqları boyınsha Joqarı komissarı Folker Tyurk mámleketimizge saparı dawamında Insan huqıqları boyınsha dúnya júzlik deklaraciyası qabıl qılınǵanına 75 jıl tolıwı hám insan huqıqları tarawındaǵı Vena deklaraciyası hám háreketler dástúri qabıl qılıǵanına 30 jıl tolıwı múnásibeti menen Qaraqalpaqstan Respublikası I.V.Savickiy atındaǵı mámleketlik kórkem óner muzeyinde ushrasıw ótkizdi. Onda qaraqalpaq jasları hám studentleri qatnastı.
Folker Tyurk Insan huqıqları boyınsha dúnya júzlik deklaraciyası hám insan huqıqları haqqında lekciya oqıdı. Ushırasıw dawamında qatnasıwshılar ózleriniń qızıqtırǵan sorawlarına juwaplar aldı.
Sonday-aq joqarı mártebeli miymanǵa muzeyimizdiń ájáyip eksponatları jaylasqan zalları boylap arnawlı ekskursiya shólkemlestirildi.