23 ноября 2022 года

2022-jıl 22-noyabr kúni Ózbekstan Respublikası Prezident tálim mekemeleri agentligi Nókis qalasındaǵı Prezident mektebiniń 10-klass oqıwshıları Deborah Shireen Lang hám Bekmuratova Venera Joldasbaevna basshılıǵında Qaraqalpaqstan Respublikasında turizmniń rawajlanıw barası hám turizm tarawınıń joybarları haqqında maǵlumat alıw maqsetinde Qaraqalpaqstan Respublikası I.V.Savickiy atındaǵı mámleketlik kórkem óner muzeyinde miymanda boldı. Kelgen miymanlarǵa muzey arxeologiya bólimi baslıǵı baslıǵı O.Dospanov tárepinen seminar sabaǵı shólkemlestirildi. Seminar barısında O.Dospanov oqıwshılarǵa shet elli turistlerdiń aǵımın kóbeytiw hám ishki turizmdi bunnan bılay da rawajlandırıw, turistlik xızmetlerdi jaqsılaw hám xızmet túrlerin keńeytiw boyınsha kórilip atırǵan ilajlar haqqında kóplegen maǵlumatlar berdi. Sonday-aq muzey tariyxı, muzeyimizde saqlanıp atırǵan eksponatlar hám Respublikamızdaǵı arxeologiyalıq estelikler haqqında da maǵlimat berip ótti. Seminardan soń kelgen miymanlarǵa muzeyimizdiń ájáyip eksponatları jaylasqan zalları boylap ekskursiya shólkemlestirildi.