12 января 2022
2022-jıl 12-yanvar kúni Qaraqalpaqstan Respublikası I.V. Savickiy atındaǵı mámleketlik kórkem óner muzeyinde 14-yanvar Watan qorǵawshılar kúni hám Ózbekstan Respublikası Qurallı kúshlerine 30 jıl tolıwı múnásibeti menen “Mártler qorǵaydı Watandı” atamasında ushırasıw bolıp ótti.
12 января 2022
Er adamlar shapanı haqqında. Qaraqalpaq er adamlarınıń kiyim-kenshekleriniń biri - shapan bolǵan. Shapandı bir pútin gezlemeden ortasınan eki búgip, aldı tárepin kesip, eki qaptalın tigis salıp tikken.
08 января 2022
Ajibay Qurbanbaev
Qaraqalpaqstan Respublikasında súwretlew ónerine óziniń úlesin qosqan talantlı xudojnikleriniń biri Ajibay Qurbanbaev 1942-jılı Kegeyli rayonında tuwılǵan.
2-yanvar 2022-jıl
2022-jıl 2-yanvar kúni Qaraqalpaqstan Respublikası I.V. Savickiy atındaǵı mámleketlik kórkem óner muzeyinde “Ashıq esikler kúni” bolıp ótti.
“Ashıq esikler kúni” sheńberinde muzeyge kelgen miymanlarǵa muzey ekspoziciya zalları boylap ekskursiyalar ótkerilip, muzey kino zalında muzey haqqında hújjetli filmler kórsetildi. Ilaj sońında kishkene balalarǵa hár qıylı oyınlar shólkemlestirildi hám balalar ushın arnalǵan jańa jıl sawǵaları tapsırıldı.
Sonday-aq muzeyge kele almaǵan balalar ushın ruwxıylıq hám aǵartıwshılıq bólimi xızmetkerleri tárepinen “Assalam Jańa jıl” atlı mádeniy ilaj shólkemlestirildi. Mádeniy ilaj sheńberinde muzey xızmetkerleri Nókis qalasında úy sharayatında tarbiyalanıp atırılǵan imkaniyatı sheklengen balalardı Jańa jıl menen qutlıqlaw hám hallarınan xabar alıw maqsetinde balalardıń úylerine barıp, olarǵa muzey tárepinen tayarlanǵan Jańa jıl sawǵaların tapsırdı.
30 декабря 2021 г
Qaraqalpaqstan Respublikası I.V. Savickiy atındaǵı mámleketlik kórkem-óner muzeyi jámááti pútkil Respublika xalqın JAŃA JÍL bayramı menen qutlıqlaydı. Kirip kiyatırǵan 2022-jıl bársheńizge den-sawlıq, áwmet, quwanısh keltirsin. Watanımız tınısh, xalqımız aman, aspanımız ashıq bolsın. Jańa jıl bárshemizge múbarek bolsın.
© 2014. Копирование и использование материалов возможно только с разрешения Администрации музея. Контактная информация.