11 марта 2022

2022-jıl 12-mart kúni Qaraqalpaqstan Respublikası I.V.Savickiy atındaǵı mámleketlik kórkem óner muzeyi, Xojeyli rayonı hakimshiligi hám Berdaq atındaģı Qaraqalpaq mámleketlik universiteti tariyx fakulteti menen birgelikte Xojeli rayonındaģi Mizdaxkan arxeologiyalıq esteligi átirapın abadanlastırıw maqsetinde “Madaniy Miyras hám jaslar” atamasında akciyası shólkemlestirilmekte.

Akciyadan maqset  Ózbekstan Respublikası aymaǵındaǵı arxeologiyalıq esteliklerdi  saqlaw, olarǵa jetkizilgen zıyandı anıqlaw jáne bul sıyaqlı jaǵdaylarǵa shek qoyıw, shıǵındı hám jabayı shóplerden tazalaw, jaslarımızǵa materiallıq miyraslar obiektleri haqqında maǵlıwmatlar beriw, olardı tariyxımızǵa húrmet ruwxında tárbiyalaw  hám milliy miyraslarımızdı  keleshek awlad ushın asırap abaylawdan ibarat.

Bársheni “Mádeniy miyras hám jaslar” akciyasına qosılıwǵa hám belsendilik kórsetiwge shaqırıp qalamiz!!!