2021-jıl 2-dekabr

‼️“Mádeniyat.Miyras.Men”  Respublikalıq akciyasına start berildi.

2021-jıl 2-dekabr kúni Ózbekstan Respublikası Turizm hám sport ministrligi janındaǵı Mádeniy miyras agentligi direktorı T.K.Quziev hám I.V.Savickiy atındaǵı mámleketlik kórkem-óner muzeyi direktorı T.K.Mkrtichevler baslaması menen Shılpıq arxeologiyalıq obyekti átirapın abadanlastırıw maqsetinde “Madaniyat.Meyros.Men” atamasında akciya shólkemlestirildi. Mádeniy miyras agentligi direktorı T.K.Quziev ilajdı ashıp berdi hám óz sózinde bunday ilajlarda jaslardıń qatnasıwı zárúrligin, jaslar baslamaları tariyxımızdı asıraw hám úyreniwde eń áhmiyetli faktor ekenligin aytıp ótti. Akciyada Qaraqalpaqstan Respublikası I.V.Savickiy atındaǵı mámleketlik kórkem-óner muzey xizmetkerleri hám Qaraqalpaq mámleketlik universiteti ekanomika fakulteti turizm qániygeliginiń 1-kurs studentleri qatnasti. Akciya dawamında kóp ásirlik estelik átirapları jabayı shópler hám shıǵındı zatlardan tazalandı.

✅✅✅ Akciya Ózbekstan Respublikası aymaǵındaǵı arxeologik esteliklerdi saqlaw, olarǵa jetkizilgen zıyanda anıqlaw jáne bul sıyaqlı jaǵdaylarǵa shek qoyıw, shıǵındılardan tazalaw, jaslarımızǵa materiallıq miyraslar obiektleri haqqında maǵlıwmatlar beriw hám olardı tariyxımızǵa húrmet ruwxında tárbiyalaw maqsetinde ótkerildi. 

  Bársheni “Mádeniyat.Miyras.Men” akciyasına qosılıwǵa hám belsendilik kórsetiwge shaqırıp qalamiz!!!