2021-dekabr 2021-jıl

2021-jıl 6-dekabr kúni AKB Kapital bank Nókis filiali basqarıwshısı R.Eshimbetov Qaraqalpaqstan Respublikası I.V. Savickiy atındaǵı mámleketlik kórkem-óner muzeyi direktorı T.K.Mkrtichev penen ushrasıp “Igor Savickiy: xudojnik, jıynawshı hám muzey tiykarın salıwshısı” atamasındaǵı kitaptıń nemis tilindegi 200 dana nusqasın muzeyimizge sawǵa etti. Bul kitap avtorı M.M. Babanazarova bolıp, 2011-jılı rus, anglichan, francuz, italyan tillerinde baspadan shıqqan edi. Sawǵa etilip atırılǵan nemis tilindegi nusqası Germaniyanıń “Commerzbank”ınıń Ózbekistandaǵı wakilxanası hám AKB Kapital bank qáwenderliginde ámelge asırılǵan. Bul kitap nemis tilinde sóylewshi sayaxatshılar hám miymanlarǵa arnalǵan. 

Óz gezeginde kitaptıń avtorı M.M.Babanazarova, “Commerzbank” hám AKB Kapital bankine Qaraqalpaqstan Respublikası I.V. Savickiy atındaǵı mámleketlik kórkem-óner muzeyi jámááti  óz minneddarshılıǵın bildiredi.